На 17-ти октомври 2010 година, во Спортскиот центар ,,Борис Трајковски,,- Скопје се одржа V-oт Конгрес на СОНК на кој од 830 избрани делегати во синдикалните организации на СОНК учествуваа 771 (седумстотини седумдесет и еден) делегат.
На Конгресот присуствуваа и повеќе синдикални делегации од странство, како и гости од другите синдикати од нашата земја и претставници на државните органи од Република Македонија.
Меѓу гостите од странство присутни на Конгресот беа и :
- Фред ван Ливен, Генерален секретар на Интернационалата за образование;
- Ерик Фивер, потпретседател на Американската федерација на учители (АФТ);
- Тон Ролвинк, потпретседател на Холандскиот синдикат за образование (АОБ);
- Бранимир Штрукељ, Генерален секретар на Синдикатот за образование на Словенија и член на Извршниот одбор на Интернационалата за образование
- Бранислав Павловиќ, Претседател на Синдикатот за образование на Србија
- Џафер Добруши, Претседател на Синдикатот за образование на Албанија
- Албина Пепо, Претседател на другиот Синдикат за образование на Албанија
- Јанка Такева, Претседател на Синдикатот на учителите на Бугарија
- Маргарита Денкова, Претседател на Синдикатот за образование (Поткрепа) Бугарија;
- Звонко Павичевиќ, Претседател на Синдикатот за образование на Црна Гора;
- Љутфи Мани, потпретседател на Синдикатот за образование на Косово.
Од нашата земја од синдикатите присуствуваа:
- Раско Мишковски, Претседател на Конфедерацијата на слободни синдикати (КСС) и Претседателите на гранските синдикати на КСС ;
- Живко Митревски, В.Д. Претседател на Сојузот на Синдикати на Македонија;
Од државните органи присуствуваа:
- Никола Тодоров, Министер за образование и наука на Република Македонија
- Џорџе Арсов, директор на Државниот просветен инспекторат
- Дарко Стефановски, Државен секретар во Министерството за култура на Република Македонија
- Изет Меџити, Потпретседател на Заедницата на единиците на локалната самоуправа (ЗЕЛС).
На Конгресот,како гости присуствуваа и Димитар Стојановски, Претседател на Здружението на работодавци на Македонија, како и претставници на менаџерскиот тим од ИК Демир Халк банка, со која СОНК има договор за деловна соработка.
Конгресот по повеќе часовна работа ги усвои Извештајот за работата на СОНК за периодот октомври 2005 септември 2010; Извештаите на Надзорниот одбор на СОНК за периодот 2005-2010 година; Програмата за работа на СОНК за периодот октомври 2010- октомври 2015; новиот Статут на СОНК и Рафератот на Претседателот на СОНК.
Конгресот со акламација усвои Декларација за искажување на огромна благодарност и признанија за искажаната синдикална поддршка и помош на СОНК на Американската федерација на учителите (АФТ) и на Холандскиот синдикат за образование (АОБ).
V-от Конгрес со акламација донесе одлука досегашниот Претседател на СОНК, Дојчин Цветаноски да биде прогласен за почесен Претседател на СОНК.
V-от Конгрес на СОНК со тајно гласање од двајцата кандидати за Претседател на СОНК – Ѓорѓијоски Веле и Неделков Јаким, со убедливо мнозинство на гласови, за нов Претседател на СОНК го избра Неделков Јаким, досегашен Претседател на Регионалниот одбор на СОНК Кисела Вода,Скопје.
Документи од V Конгрес на СОНК:
Реферат на Претседателот Дојчин Цветаноски
Извештај од работата на Советот за периодот 2005 -201
Новиот Статут на СОНК
|
